Hot Widget

Type Here to Get Search Results !

Beda Lembaga Survei Jo Tim Sukses Oleh: Drs. Ali Nurdin Tanjung

Drs. Ali Nurdin Tanjung

Teh talua ciek Mak Itam, ko agak barek karajo saketek hariko, ka macor tonggak kini nampaknyo kaba kaja jo hujan pulo nampaknyo, kato Jo Man nan baru duduak di lapau mak itam. 

Baa kok langang urang kiniko, biasonyo rami tiok pagi, jam bara hari kecek ang baru ko baru satangah tujuah, tantu yo. Sabanta lai rami mah waang nan capek tibo mah katupek den sajo baru talatak di setel baru, tapaso den angekan aia sabanta yo, uleh Mak Itam ke Jo Man.

Yo lah Mak Itam antaro maangekan aia tu ambiakan lontong dulu Mak Itam, gulai paku tu lah buliah kuaik saketek, oh jadi tapi pakunyo alah bakarek lai ndak baa garah Mak Itam ke Jo Man, jadi Mak Itam kok ndak bakarek tantu ndak muek di piriang beko, jawek Jo Man kaduonyo lah samo galak takekeh pagi tu.

Assalamualaikum, sapo Jo Udin nan baru tibo. Ondeh alah badarai galak pagi mah, duduak lah Jo Udin dulu bilo di kampuang, alah 2 hariko di kampuang sajonyo si Man nan indak nampak dek ambo kecek ambo alah marantau pulo, indak jo patang wak maa ojek wajib pagi maantaan anak sikola, karano kakaknyo pai ka Padang pulo. 

Dek alah badaguik Jo Udin nampaknyo alah buliah ambo batanyo tu, dek ajo lai acok di padang ibaraiknyo alah di pusek kota, nan kami di kampuang istilahnyo dibawah pusek, tantu informasi ko jaleh dek ajo dari pado kami, kato Jo Man dan diangguakkan pulo samo mak itam urang lapau.

Apo tanyo ang kini tu, jan nan sulik bana beko ndak tajawab pulo. Ambo di acara tivi nampak dek ambo alah babagai-bagai kalua hasil survei tantang banyak suaro nan ka calon presiden wak bisuak ko, nan Anis calon pilihan amboko taruih hasil surveinyo di nomor tigo, samantaro mungkin kok di Piaman ko ampia sadonyo urang condong ka Anis Bawesdan ko bahkan di Sumatra kecek urang lah bisa di pastikan baliau nan tatinggi. 

Heran awak baa kok surveinyo randah juo, samantaro kegiatannyo banyak pulo nan dihalangi oleh penguasa, kok iyo surveinyo randah untuak apo juo dihalangi-halangi, dicurigai, bahkan dimusuhi oleh urang sabalah tu.

Banyak pulo mangecekan bahwa lembaga survei tu ndak di picayo bana karano inyo kini ampia samo jo tim sukses tunyo ampia tiok lapau ambo duduak baitu juo pandapek urang, baa pandapek Ajo Udin tantang iko supayo jaleh pulo dek kami di kampuangko, palanta nampaknyo alah mulai panuah nan lain alah lapuak lapak makan katupek gulai paku dan gulai cubadak.

Oh itu nan waang tanyoan, sabananyo indak jaleh bana pulo di ajo doh, cuman kalau nonton tivi ja baco media kini tantang survei tu, ndak bara bedanyo doh jo pamilu nan dulu nan lembaga survei tu memang takah itu juonyo. 

Iyo ndak bisa dipicayo bana doh karano lembaga tu paralu pitih juo, memang mungkin ado nan bana karajonyo tapi nan banyak wak caliak lah banyak sesuai pesanan dari kepentingan tertentu, tantu mamasan jo pamasannyo pulo, istilahnyo anda bayar kami berlayar, ada uang survei terbang.

Bedanyo samo tim sukses, kalau tim sukses hanyo jaleh mensukseskan sia nan inyo dukuang baa bisa manang nan mambayianyo tantu urang nan dibueknyo sukses, itupun nan sukses banyak timnyo kadang urang nan urang nan dijanjikan akan sukses tu gagal pulo nan banyak.

Kalau Lembaga Survei tu samo baskom, sia sajo bisa maisi aia, mungkin hariko pesanan capres nomor 1, bisuak bisa jadi capres nomor 2 dan mungkin hari katigo capres no 3, bahkan ado nan labiah babahayo tadanga beberapa lembaga survei tu alah di kontrak oleh satu calon sajo iko nan babahayo.

Lai takana pemilu 5 tahun lalu ado nan malaporkan, bia ambo bacoaan yo sambia ajo Udin mancaliak HP nyo, iko yo jo bahaso indonesia yo "Koalisi Aktivis Masyarakat Anti Korupsi dan Hoaks (KAMAKH) melaporkan enam lembaga survei karena atas dugaan kebohongan publik. Keenam lembaga survei yang dilaporkan adalah Indo Barometer, Centre for Strategic and International Studies (CSIS), Charta Politika, Poltracking, Saiful Mujani Research and Consulting (SMRC), serta Perludem.

Sementara, Kedai Kopi merupakan lembaga yang sempat merilis hasil exit poll yang menempatkan Prabowo Sandi sebagai pemenang Pilpres 2019. Dalam perhitungan Exit Poll Kedai Kopi, Paslon 02 P. (***)

Posting Komentar

0 Komentar
* Please Don't Spam Here. All the Comments are Reviewed by Admin.

Below Post Ad

Hollywood Movies