Hot Widget

Type Here to Get Search Results !

Capres Pilihan, Celoteh Ajo Ali Nurdin

Ajo Ali Nurdin 

"Pai kama Mak Itam patang? Kok batutuik lapau," tanyo Ajo Udin nan baru duduak sambia mangicok kopi. 

Itulah den sabananyo ndak namuah pai doh tapi dek diajaknyo juo dek Aciak tu, tapaso juo lah den pai, hanyo samalam di hotelnyo tapi hari den abih dek inyo 2 hari, yo lai ndak pulo nan biaya den jo biaya dapua di rumah lai salasai pulo sakali, cuman urang nan harok tibo di lapau ko pulo nan marisau di hati den.

Oh bakelah Mak Itam tu yo, agak ambo caleg nan mambawo tu yo, salo Ajo Udin, antah ndak tantu bana di den doh, walaupun baitu nan maajak ko Aciak tu, dan di kenalkannyo pulo den samo urang nan mambiyai tu dek Aciak ko kironyo mah sasuku pulo samo den. 

Kok kampuang iyo balain, sia urangnyo tu Mak Itam, kalau urangnyo nan batanyoan ndak bosa dek sabuikan kini nantiklah lewat tgl 28 memang ka den lewakan bana rencananyo di siko.

Sabanta dulu den ambiakan lah dulu minum urang nan duduak ko kasadonyo dulu yo, carito lah Ajo Udin jo nan lain dulu. 

Ajo Udin, salo Zal, dek Ajo lai pajalan dan tantu banyak lapau pulo nan Ajo singgahi baa carito urang banyak di lapau lain tu, kok nan waang tanyoan kini nampaknyo dima lapau di kota jo di kampuang alah samo sajo ndak bakisa dari politik doh.

Baa pulo tadanga dek Ajo tantang 3 calon Presiden wak kiniko, kama barek suaro di lapau- lapau nan Ajo singgahi, salo Aciak bantuak satangah bangih. 

Tantang Capres nan 3 orang tu hampia satiok lapau nan ambo singgah sampai di Pasisia bagai, nampaknyo yo satu arah sajo ado cieik-ciek nan babedanyo, cuma kalau iko ambo caritokan lai ndak kabatangka wak di kampuangko kok ado beda pilihan.

Babagai nan tadanga carito dan banyak pulo istilah nan kalua di lapau-lapau ado nan bantuak maabok, ado nan cimeeh, ado pulo nan mancaci bahkan ado pulo nan mamburuak-buruakan calon diantaro nan 3 tu. 

Masiang- masiang pandukuang baik urang partai atau relawan samo sajo, ambisi dan ootimis calonnyo akan manang 1 putaran, alah kayak main judi sakali puta dapek hadiah nomor 1.

Ado pulo nan mangecekan bahwa pasangan No 2 tidak boleh kalah, dan ado pulo mangecekan kalau ndak curang AMIN pasti menang dan khusus di Sumbar ko tanpa kampanye pun Amin sudah menang, ado pulo nan seru kini manonton pendukung Ganjar dan Prabowo parang di medsos dan Amin akhirnyo dapek barasiah.

Apo pulo mukasuik Pasangan Prabowo tidak boleh kalah itu jo salo mak itam, artinyo dia harus menang, kalau baitu artinyo apopun akan mereka lakukan agar mereka menang, kalau takah itu agak cameh juo awak jadinyo tantu nan di gamangkan salamoko dek banyak urang akan terjadi karena kekuasaan masih ada dibelakang mereka.

Ondeh alah batambah lihai bana mak itam bapolitik nampaknyo sajak dibawo urang samalam di hotel tu yo, apo nan mak itam sampaikan tu bisa sajo terjadi berdasarkan pengalaman kito pemilu nan lalu, namun kini urang sadonyo kini lah cadiak apo lagi ado 3 calon ko, moga itu ndak tajadi tantu awak sadonyo ikuik punyo tanggungjawab untuak maawasi. (***)

Posting Komentar

0 Komentar
* Please Don't Spam Here. All the Comments are Reviewed by Admin.

Below Post Ad

Hollywood Movies