Hot Widget

Type Here to Get Search Results !

Bapikia Janiah Oleh Drs. Ali Nurdin

Drs. Ali Nurdin 

Ondeh lah rami wak kini mah, kato pak Udin baru tibo di kadai Akang, lah ado main domino sameja dan ba koa sameja pulo, iko dek malam Minggu mungkin yo agak capek apak - apak tibo di kadai kini baru jam 8.30 malam kini alah panuah sajo meja tampek main.

Buekanlah teh talua lah ciek dulu kang, dek lamak duduak saketek, baa lambek bana pak tibo, salo Yohanes sambia mancabuik karateh koa, sabananyo kami baru pulo main, kami putuihan koa ciek dulu beko cubo pulo Pak Udin lai dek lapeh pulo candu tu, kato Pak Yohanes mambasoan.

Memang kadai Agus (akrab dipanggia akang) nampaknyo lapau khusus nan tuo-tuo sajo tiok malam ko, umumnyo nan duduak di kadai tu memang apak-apak nan alah pensiun sajo. Ado duo partai nan main di kadai tu yaitu partai domino dan koa, sadonyo main bagurau sajo indak ado nan bataruah atau judi.

Taruih sajo jawek Pak Udin sambia mangocok teh talua nan baru talatak sapasang samo aia putiah sagaleh, Pak Yohanes mandannyo yo sabana padek nampaknyo samo Pak Anis ko. 

Jarang bana lawan nan kalah kabanyo, eh baa pulo tu, lain pulo sindiran Pak Udin ko yo. Kok ambo bisuak ko yo ka Pak Anis pulo mah insya Allah manang dan tanang salo Pak Guru.

Lain pulo bueknyo dek pak guru ko nampaknyo kalau untuak Calon Presiden itu lah pasti urang awak ka pak Anis jo cak Imin (Amin), baa gak ati tu kecek Pak Udin sambia mandaguik teh talua, kalau itu alah pasti tumah, karano dari tigo calon ko iyo nan bisa mambawo perubahan iyo baliau nampaknyo. 

Kok nan baduo lai tu Ganjar samo Prabowo itu kabatambah marasai juo negara ko nantik karano baliau adolah hasil setingan untuak panaruih kekuasaan Jokowi, kecek Pak Udin dan sarantak urang di lapau tu maiyokan.

Apo lagi macam wakia Prabowo tu, paja ketek tu pulo nan kajadi calon wakil baliau apo nan tantu dek baliau agaknyo tu, jawek guru sambia manggantiak meja tando alah coki koanyo. 

Iko sangat salah gadang, malangga UU karano alun cukuik umua 40 tahun, paja ko lolos jadi Cawapres karano nan diajukan uji materi hukum oleh adiaknyo, nan manarimo di MK pamannyo, dan cawe-cawe ayahnyo Jokowi Presiden nan saharusnyo netral, tapi baliau malah ikuik cawe-cawe, akhirnyo lolos baliau.

Jadi pandapek ambo dan awak sadonyo mungkin samo alah labiah 60 tahun umua awak, ikolah tajadi di negara wak baru nan sarupo iko aturan hukum dan suasana politik nevotisme terjadi, nampak bana dek kito basamo Jokowi ingin malanjutkan kekuasaannyo.

Ganjar pihan Jokowi nan diambiak alih oleh Mega, Prabowo pilihan Jokowi. Istilah urang tuo-tuo dulu dek Jokowi nampaknyo ndak lolos untuak bakuaso, dicari urang lain nan ka bisa malanjutkan kekuasaannyo, artinyo nan tapikia dek inyo hanyo keluarga/kelompoknyo bukan kebaikan bangsa dan negara. Jadi pandapek ambo salo guru, awak ko harus bisa bapikia netral dan berbuat netral. (***)

Posting Komentar

0 Komentar
* Please Don't Spam Here. All the Comments are Reviewed by Admin.

Below Post Ad

Hollywood Movies