Hot Widget

Type Here to Get Search Results !

Manangguak di Aia Karuah Kawan sa Profesi Bagaduah, Ciloteh Ajo Ali Nurdin

Ajo Ali Nurdin 

Alah jam 11 malam hari nampak di lapau Mak Itam, yo sabana rami urang duduak dan alah catuak catak maota kian kamari apokolah kegiatan urang di lapau, baru sajo wak masuak mambari salam sarantak nan duduak di lapau basorak, iko mah Ajo Udin ha, langkah suok bana samo Ajo kini mah kami bakelah (bagadang) gulai lauak gariang.

Ondeh yo nan ka razaki tu yo indak kama, kecek ambo manga sajo urang tadi kiroe bakelah tingkah Ajo Udin, iko yo lah lamo bana ambo indak sato bakelah ko apolai ikan gariang ko. 

Patuiklah bakumpua di siko pakar panangkok lauak, baa caro manangkoknyo tadi ko kok bisa sabanyak iko dapeknyo, iko yo bana pasai wak dibueknyo mah, tukeh Ajo Udin.

Iko alah sagalo jurus nan bapakai mah jo Udin, ado nan batangguak, sentrum dan bangkik lukah bagai, jawek Mak Itam nan alah mulai kuwok-kuwok ketek dek manahan kantuak. 

Kalau alah turun group Aciak jo Ajo Musa ndak ado lauak nan lia dek baliau ko doh, iko bukti banyak dapeknyo.

Katiko gulai alah ampia masak tibo-tibo datang si Dulah nampak saketek agak kesal nan lain tacangang sajo mancaliak Ajo Dulah dek indak biasonyo, kok tampak bantuak urang berang sajo. 

Mancaliak nan lain agak tadiam Mak Itam mulai batanyo, apo aia buek Dulah, kopi apo teh, kok teh talua yo ndak ado doh lai.

Baru sudah minum Mak Itam, ado saketek paralu ambo sampaikan siapo sajo nan pai manangkok lauak / ikan tadi, den ko kan lai tau kaliannyo. 

Den yo candu pulo nangkok lauak tapi ndak sambarang tangkok macam kalian tu doh, indak asa lauak banyak dapek sajo doh, tenggang pulo urang iko lauak di lukah den bagai nan kalian salinan 4 buah lukah den tahanan alah tabaliak ka ampeknyo.

Saba dulu Dulah, salo Mak Itam dan Ajo Udin, minumlah kopi dulu, bia kami tanyo adiak-adiak ko sia nan baulah, beko wak janihan. 

Dek ambo ndak baa doh Mak Itam jo Ajo Udin, tapi kok lai langsuang mangecek ka ambo ndak ado masaalah doh, iko ambo tau alah di laporan urang pulo, jawek Dulah alah agak kesal bacampua sagan samo Mak Itam jo Ajo Udin.

Indak lamo alah barumbuk Ajo Udin samo Mak Itam dan alah tau urang nan baulah, lalu maadok ke si Dulah, kini sia nan baulah alah tahu sadonyo adolah adiak dan kemanakan awak mereka alah ngaku salah, baa dek Dulah lai di maafkan kok lai indak ka jadi janjang batu, kito beko sudah makan wak saliang bamaafan.

Dek ambo baitu pulo mah Mak Itam jo Ajo Udin. Ambo ko hobby manangkok lauak samo jo baliau tu, iko kan samo jo jeruk makan jeruk, awak sa hobby dan sa bisnis jan lah saliang maniayo diantaro awak, handaknyo saliang manjago profesi awakko, apopun alasannyo awak sa profesi ko harus samo manjago, mamiliharo dan saling menguntungkan, jan gara-gara malaluan kandak urang lain tagadai atau bentrok sa profesi. 

Dek ambo kalau alah mangaku salah apo lai untuk bakelah ko, ambo sabananyo sanang pulo, nan pantiang diagiah tau ka ambo mungkin ambo lansuang bawo ikan yang ado di lukah ambo tu. (***)

Posting Komentar

0 Komentar
* Please Don't Spam Here. All the Comments are Reviewed by Admin.

Below Post Ad

Hollywood Movies